Foodie 生活雜誌

10/2018光顧 

hysan三期，銅鑼灣最新飲食地標，當大家都去幸福pancake或高級版沙北排隊的時候，我選呢間。cafe 吸引我的原因純粹係因為間家丹麥品店Boconcept，銅鑼灣開店方便好多，唔使下下入沙田，雖然得個睇字，但都睇得開心。知道銅鑼灣店有埋cafe，當然要去朝聖。餐廳佔店面三份一，另有露台户外位。早餐提供sandwich ，salad，午晚餐一樣，有main course 有steak 有pasta，當然唔少得最好賺的all day breakfast 。室內設計簡約時尚。侍應服務態度好，食物有水準但唔算突出，其中的肉醬pasta 我幾欣賞。

餐廳在家品店內，只佔鋪面三份一，食完可以順便行下

雖然面積唔大，但配上落地玻璃，採光度高。

多款新鮮沙律選擇

有幾款bagel， 蛋糕簡單唔花巧

石頭款茶杯

All day breakfast 原本係牛角包夾牛油果，但當日牛角包賣哂(唔明點解11點就賣哂)選左洋蔥味bagel，好香。香腸雞蛋都好味，但煙肉over cook，好硬

lunch set 的沙律，任選三款，食材新鮮

lunch set 的牛肉湯，充滿牛肉味，加人蔬菜，小朋友好喜歡

和牛肉醬pasta 總係覺得用和牛做肉醬好嘥料，不過現今所有嘢都高級化，無謂發咁多勞騷。事實係個pasta真係幾好味，牛肉同芝士味道濃郁，pasta 煙靱有咬口，我食完個all day breakfast 都包底食埋

北海道帶子加kale意粉配上帶子 意粉味道唔錯，可惜帶子全無鮮味，似比梳打粉嗱到過哂籠咁。

咖啡好大杯，抵飲

有露天坐位，偷得浮生