Foodie 生活雜誌

早上check out 離開resort後先往Danhem食早餐，其實醉翁之意不在早餐，係Bakery 出品的酥皮批，昨晚太太買回來，酥皮酥軟奶油滑，灑上糖霜，唔太甜，好好味，今日再來encore買上車做午餐。今晚住宿喺Kalbarri ，沿路會經過shell beach 同hamelin pool 兩個景點，兩者位於shark bay 世界遺產保護區內，講出來好似好勁咁，其實就算無呢個名譽，兩個咁美麗又特別的景點都好值得去。沿途行下停下，今日終於可以喺日落前到達住宿。今晚間屋好大，小朋友玩到癲。講開小朋友，又講下小故事 : 話說少爺仔同小老闆都要座car seat，今次兩個car seat set埋同一排，兩個都想坐中間，當然有爭拗，大人們主將自己的事自己解決，於是二人自行商量，幾日間從中間位每人坐一日，到每人坐半日，到每人坐一程，到最後決定每次猜拳決定，過程搞笑，見佢地爭拗，玩投票拉票，又商量，全個過程兩位都曾經向大人求助，但我地鼓勵兩人自行決定。最後事情雖然解決，但後患係每次上車前就算外面天打雷劈，都要猜拳先肯上車，吹漲！

小鎮Bakery ,外貌似時光倒流

簡單店面

早餐係蛋蛋蛋，全部都係蛋，呢幾個餐太太提議買上車食，慳時間，嚇到我標冷汗，好彩店家唔做外賣

美味pastry

沿路遇上的植物好多都好特別

少爺仔見我影得咁高興，自己又影，見佢影住呢塊嘢，問佢影咩，佢話學我影植物，我對佢講雖然橙皮都係植物的一部分，但我會歸類為垃圾。

shell beach 入口有圖文介紹海灘歷史及生態，我當然睇唔明，直接揾G神就算

從小路行幾分鐘就到海灘，豁然開朗，雲層好有氣勢

咪以為係白沙，睇真d，原來全部都係貝殼

海灘水淺，清澈見底

留個大名先

Shark bay 係世界遣產保護區，原來真係好多嘢睇

不過最好睇係小孩的笑臉

hamelin pool 

來到要睇的就係有三千歲的古老化石礁岩Stromatolite，為左保護Stromatolite，海上搭建步道

石礁岩似海中的地氈

之後長成磨菇形，雖然我對岩石全無認識，但都覺得幾有趣，萬事萬物都以不同形式生長生活，世界那麼大，有生之年真係要好好見識，知多d，充實d

天公造美

伸手可及的藍天

古老的電報站，科技一日千里，電報站已成為古蹟

終於來到Kalbarri

太太提醒鎮前油站的油係全個旅程最貴的

遇見可愛小鳥

今晚住大屋，小朋友自製冒險遊戲

鎮定兒童神器 ： 電視機

終於有個家常晚餐

小朋友最愛的米飯

咁大個廳最開心係咩？可以晾衫！我地草根就係草根，之後更要徵用先生的攝影腳架，（我地三個女人：好好用！有三枝晾衫竹！）先生無眼睇🤣🤣