5/2018光顧
對中國的地方小菜都幾有興趣，今次試下峽西菜。餐廳喺渡船街一帶，雖然喺市區邊陲，但其實呢幾條街有好多餐廳。小店地方細細，裝修簡單，食物好有國內風味，以酸辣為主，味道濃，口味重，好此道者應該會喜歡，我就普通，食過見識過就算。未必一定要食小菜，點碗麵都得，豐儉由人，不過地方淺窄，食完就要走了。
食香辣菜，最好配啤酒，不過唔喜歡用膠杯
湯羊肉餃子 餃皮厚薄適中，饀料飽滿，味道不俗。湯底帶酸，跑大陸線的食友話唔夠酸。
麻辣大盤雞 唔似麻辣，似咖哩雞，幸好雞件咬落有肉有咬口，雖然只點小辣，但係對於我都幾辣
餅餅麵 呢個麵係全餐最特別的，其實係一條長而濶的粉皮，點菜時係以一條為單位，我地兩個人點左一條，加入大盤雞內，佔上麻辣汁食，幾飽肚，麵條唔算彈牙。無話特別好食，不過幾有趣
麵的名字寫法係咁，讀音為「餅」，比你估一百次都估唔到點讀。
炒蓮藕
晚飯後去松記食甜品，點個金枝玉露，係楊枝金露變奏版，將椰汁西米底變成馬蹄露底，更清甜，我喜歡
全站熱搜
留言列表
香港食食食 (25)
