(餐廳在工廠大厦內，裝修簡單)
12/2017光顧
pasta 係意大利人的日常主食，同我地中國人的米飯差不多。喺香港去似樣少少的餐廳食碟意粉要過百蚊，而且水準參差。其實pasta食材唔貴，簡單易做，但又懶得自己煮，有時都想好似食雲吞麵咁，食下街坊版。新開呢間餐廳定位係家庭式意大利菜，pasta幾十蚊碟有交易，餐牌有多款pasta選擇，其中ravioli 都有五款，合我心意。餐廳老闆代理意大利食材，手製pasta 由意大利工塲製造再空運來港，其餘的芝士、肉腸、黑醋、橄欖油等食材都係代理自意大利供應商。其實意國有好多家庭式經營的橄欖園、醋莊、手造pasta 工塲，味道各有特色。
餐廳開業短短幾個月，我已經幫襯左三次，七十幾蚊個餐，包括麵包配橄欖油及黑醋，任選pasta，仲有飲品，質素唔錯，呢個價錢，自己買料番屋企煮都唔得，Pasta配簡單醬汁，味道唔複雜，簡單得有如去人地屋企食飯，第一次去大把位，到第三次去，午市所有枱已經book哂，價廉物美，旺場係意料中事。餐廳標榜有意大利廚師主理，但我來三次都無見過，不過可能只係顧問，餐點唔複雜，只要份量啱，個個煮都應該差不多。
餐廳營業時間係星期一至六，11:30至晚上6:00，聽講遲下有晚市。另外有做party包場，每位$300，最少15位，12歲以下小朋友免費。即係$4500就可以包塲，餐單另議。
午市套餐 黑醋橄欖油配麵包，麵包微熱
菠菜芝士雲吞配黑松露忌廉汁，上枱時加點黑松露油添香，加芝士用parmesan 即刨，幾十蚊個餐都咁認真，有點感動。雲吞真材實料，咬落唔會一pat 粉，薄薄的忌廉汁，清新簡單。
套餐包的水果茶
貓耳朵配鯷魚橄欖汁，貓耳朵有咬口，簡單的配鯷魚橄欖，灑上巴馬臣芝士，就係意大利人的家常菜。
侍應推介鮮搾檸檬汁，一d都唔酸但又有檸檬清香，清新可口，夏天加冰應該仲正
火腿雲吞 火腿甘香，配牛油汁加橄欖油，簡單就是美，一碟有十幾舊，抵食。
Tiramisu 好軟屬，但稍欠酒味
店內售賣食材，餐牌上的pasta， cheese ，olive oil，vinegar 全部可以買走。
牆上電視播住食材供應商的宣傳片
有印花咭，睇下我儲幾耐先
留言列表
香港食食食 (25)
