Foodie 生活雜誌

入住好的旅館從來係逃避現實的時光，雖然明知內裡一事一物都係營造出來，而且代價較高，但我仍然甘之如飴。旅館佔地廣，一共有三個露天温泉，一個足湯及一個大浴場，作為一間只有19個房間的旅館，實在非常足夠。旅館環境寧靜安逸，充滿禪意，處身其中，真正明白何謂洗滌身心。最令我欣賞的係野溪温泉，浴池就在溪床上挖出來，非常天然，在溪旁一邊浸一邊聲住潺潺流水，完全沉醉在大自然中，想起都陶醉。

石藏旁邊就係足湯，行樓梯落河邊

樓梯旁邊有個觀景的台，紅葉季節坐喺度賞楓，更有詩意

足湯就在旅館腳下，我間房都可以見到

溪邊見到泉出湧出，真係天然温泉水

足湯兩邊景色

穿過天降門，進入温泉區

旅館內處處係藝術品，介紹話牆上的字都係出自藝術家之手，有名堂

往温泉要走過長長的通道，記得帶齊嘢，否則行番轉頭都幾係嘢

天降殿內係大浴場同休息大廳

浸完温後可以在大廳休息

有花草茶、咖啡、果汁等提供

大浴場已變得毫不吸引

天降殿外係三個露天温泉

先往睦實之湯，屬貸切温泉

介紹話睦實之湯由大師設計，似一個樹林內的雀巢，懸掛於溪邊

更衣區非常整齊

從斜台慢慢行入泉水中

圓形的浴池，泉水非常熱，要一段時間適應。浸在其中，似在叢林中泡湯，過癮

旁邊係七實之湯，亦屬貸切温泉

呢個湯平實d

一路浸一路睇住溪邊小鴨游水，雀鳥飛過

另一個重頭露天風呂，行遠少少

露天風呂椋之木

更衣處，好凍。重點係呢度係混浴，女士可以穿旅館提供的浴袍泡湯。不過我只於黃昏時見過一位男士獨自泡湯，其餘時間都無人。

就係被呢個野湯吸引，選擇入住旅館

野湯在溪床上挖出來，並非浴池，與大自然融為一體，一面浸住熱燙的泉水，旁邊就係流水潺潺的河溪，身心完全放鬆，同好友邊傾偈邊享受大自然，人生一大享受。

野泉另一邊景色

，