Foodie 生活雜誌

好多人話食壽司要去日本食至係正宗同好食，但唔知係我黑仔定唔識揀，作為一芥草民，名店固然訂唔到，就算亂咁揾，喺tabelog有3.5分或4分以上的，試過都係唔得，今次由中環一宝的師傅介紹來，有多年歷史的銀座寿司幸本店，食完都係覺得好普通。等我仲好緊張地一早訂定位，其實午市根本無人。點個omakase ，全程快過食快餐，師傅好似趕時間咁，全個餐11件壽司加個湯，半小時內搞掂。食材基本無花巧，不過處理上係有心思的。平日我唔多喜歡的熟蝦，呢度用花竹蝦，好甜好彈牙。另一件香菇壽司都好味，睇佢個樣乾乾地，原來咬落juicy 又清香。其實係有功駕，不過對於滿有期望的我來講，今餐整體係有點失望，可能我唔識點菜。

資訊:

銀座寿司幸本店

地址 ： 東京都 中央区 銀座 6-3-

餐廳在銀座的橫街內，佔幾層，地下係吧枱位，包場。

師傅即磨的山葵，好滑

後方煮住麵豉湯，另有燒烤架處理壽司材料

先來漬赤身，平時我好怕食，因為唔喜歡好稔的口感，呢個ok

中拖羅

經火烤處理過的大拖羅，非常肥美，入口油脂滿溢

雪場蟹

帶子薄切再輕烤，幾甜，但又少左鮮味

拖羅蓉，好香好肥，入口融化

花竹蝦 我好欣賞，其中一件鋪上炸蝦子，蝦味更香更濃

香菇壽司 聽講係此店自創，之前見助手於烤架上又烤又焗，好多程序咁，咬落又真係juicy 又清香

麵豉湯湯內係魚肉同蜆肉，加入白麵鼓，好清甜。見到小師傅在小鍋煮，一路加味噌調味一路比大師傅試，好認真。