Foodie 生活雜誌

對於我，遊一個城市最好的方法就係漫步，選一個有興趣的地方，再喺當中的橫街小巷慢慢逛，感受當地人的生活節奏，好有趣味。神樂坂屬於東京的舊區，其實係地鐵神樂坂站同飯田橋站中間的一條街，為當地居民的購物街，店鋪以日常生活所需為主，屬於一個小區，遊客唔太多，一個好適合散步的地方。

神樂坂係一條街，可以坐地鐵於飯田橋站B3出口步行至神樂坂站2號出口，或者掉轉行又得，我選擇於飯田橋站B3出口，開始一出站口對面就係CANAL CAFE，咖啡室開於河邊，有室內及室外，感覺有如鬧市中的清泉，可惜當日又冷又凍又落雨，否則來一杯咖啡放空一下，一定爽YY

門口進入餐廳室內座位

室外座位沿河而座，聽講假日一位難求

天氣好仲可以來個河上泛舟

火車就在對面，有點繁忙與悠閒交錯的感覺

返回神樂坂，由街頭的日本飾物店開始行

街上都係一d以生活機能為主的店鋪，有些老店

有機蔬菜店

回家前買件餅氹下老婆仔女

老人社區中心

小清新書店連cafe

乾淨整齊的街道

橫街好多精緻食店，法國菜，意大利菜都有，佈置可愛

社區內的神社⛩️

行到盡神樂坂站前就係由舊貨倉改建而成的 la kagu。內裡係複合式店子，有時裝、家品、咖啡店，亦會不定期舉辦活動。生活好了，大家追求優質生活，優質產品，呢類店鋪愈開愈多

衣物雜貨

cafe

店鋪概念圖

樓上係男裝部, 大型家品

聚會塲地

行完飲杯咖啡攤抖下

同場加影 : 離開神樂坂後到表參道會合朋友，今次決心要試試傳說中美味的幸福pancake，想食好耐，但每次見到條長龍都放棄。可能來到時已經係傍晚6時，接近關門時間，所以登記後只需等候15分鐘已有位。

期間限定士多啤梨pancake pancake 本身做到souffel  的質感，充滿空氣感，咬落軟線，口感享受。custard 香甜，cream 軟滑，生果新鮮。問題係pancake欠缺蛋香。呢個質素的pancake喺日本唔難揾，我唔覺得需要排咁耐隊去食。(又會唔會係我無排隊，減低左渴望感?🧐)

香蕉朱古力pancake

點左杯earl grey，居然用TIFFANY 茶杯。不過好多茶漬

行完街，返回淺草已9點幾，求其揾間日式大排擋，點幾個小食又一餐

回到酒店見到有兩個袋放門口，以為係禮物。當然係諗多左。酒店一連住幾晚，諗住今晚唔使打掃房間，點知仍然將替換物品pack 兩份放門口，其實有無呢個需要呢?