Foodie 生活雜誌

日本早餐的選擇唔多，唔似香港，周街都係茶餐廳，好多食店都要11點至開，西式早餐只提供多士及咖啡。所以我一早已選定呢間eggcellent，早上8點已開店，啱哂我呢類晨型人。以雞蛋做主角的餐廳，室內裝飾都以蛋為主，蛋踪處處。餐廳用料標榜用在地食材，感覺良好，早上靜靜的享受一個美味早餐。不過10點左右已開始人多，而且好多都同我一樣係遊客。

資訊 :

eggcellent

地址 ：东京都港区六本木 6–4-1 六本木ヒルズ B1

（商場hill side 內B1層）

因為唔啱channel， 從來無來過六本木，第一次來就影影地標先

餐廳在hill side B1 ，剛剛搬過來，我攞住的係舊地址，揾左好耐。餐廳裝飾圍繞住雞與雞蛋。睇番資料，新店比舊店面積細左，亦無咁開揚

居然會有個室

我點左班尼迪兩食，一邊係普通火腿配muffin底 ，另一邊係maguro 配藜麥底。無點咖啡，milk coffee 唔啱飲，若我唔係病，會選擇牛奶。

睇到隻蛋都開心，蛋有蛋味，荷蘭汁唔錯，濃稠剛好。

睇餐牌時無睇清楚，以為塊maguro係三文魚，睇落似唔新鮮的三文魚，皺哂眉頭，但又覺得無理由差成咁，睇清楚menu至知自己搞錯。呢個maguro加牛油果加藜麥的配搭對於我來講幾新穎，口感同食味都唔同，味道不俗，雖然我都係喜歡傳統的，但有時遇到新菜式都好開心，見識下不同的配搭。

餐牌上的相片好吸引，完全依照商品説明條例，跟上枱時一樣

講明哂材料來源，感覺新鮮

支筆都係蛋

四週年紀念送蛋型綿花糖