Foodie 生活雜誌

今日晨早坐0846新幹線上青森，要知道火車站勁大，我地搬住行李由東站行去月台都要差不多半個鐘，各位記住預時間。早餐買便當在火車食，三個多小時車程轉眼就到。

今日日本開始打風，呢兩日喺東京打，我就避走北上，好彩去到青森天氣唔错，仲有陽光，攞車後出發往青森県立美術館，藝術方面我梗系連條鐵都唔識啦，只係慕名而來，先去美術館餐廳醫肚，食物麻麻，好多人話日本求其行入一間餐都好味，我就好有保留，只不過中伏的機會较低。餐後參觀美術館，內裡展出大量奈良美智的作品及其他當代藝術，我當公仔咁睇，幾得意，不過我更欣赏美術館的建築同室内空間設計，記住館内唔可以影相。

之後去A Factory 同青森睡魔之家，兩個景點都喺青森港，行下買下食下就去酒店check in，食晚餐。

資訊 : 

👫青森県立美術館　

地址：青森市安田字近野185

电话： 017-783-3000

👫A-Factory (購買手信)

地址：青森県青森市柳川1-4-2

電話： 017-752-1890

我有緊張症，早d去排隊上車。四個人的行李，搬上搬落都幾重。

蠔便當，幾好味喎

到著！租車站見到的紅葉情報，大自然有自己的時序，觀賞紅葉櫻花向來要睇運氣，山上的紅葉已枯，一切等上天安排。

基本上我每次日本租車都幫襯豐田，貪佢四圍都系分店，有問題馬上駛入去，好有安全感。四個人我通常租的SIENTA，貪佢夠平，細細架七人車座四個人，尾箱大把地方放行李，我地總共放左兩個大喼，一個中喼同一個細喼，仲有位可以放袋。

今次駕駛員除左航拍，仲set 左個機喺車頂

感謝好天氣

青森県立美術館，全白色的簡約設計，只在外牆掛上同樣白色的小樹標置作裝飾，內裡空間感極大，同好多藝術館一樣，建築物本身都系藝術品

麻麻地的午餐，餐廳的天花頗有心思

窗外已見紅葉遍遍

館內唯一可供拍照的地方，綠色地毯系比小朋友坐低睇書

地標青森犬 ～ 奈良美智作品。展品在室外，無需入場費

A factory 食下買下

購物部

用餐區

自家釀造蘋果酒，可以付費試飲。酒吧在二樓

自助形式

我地唔飲酒，只食雪糕，蘋果雪芭好清甜

之後行埋隔離青森睡魔之家，主要系介紹青森睡魔祭，由於我之後會去立佞武多館，所以行個圈就走，反而欣賞個建築外觀