Foodie 生活雜誌

晚餐無主意，直接揾酒店介紹，小姐二話不說介紹呢間，食傳統日菜，話自己都去。酒店代訂，由於店家只能用日語溝通，知道我地係遊客，堅持要點套餐。套餐分三個價錢 (三千、四千、五千)，我選兩份五千，一份四千，另一份到時再決定，佢又話可以就算。餐廳離酒店五分鐘步程，去到已準備好個室，套餐係會席料理，價錢分別在於用料，貴價的多一兩款時令食材，其實都差不多。當晚我只係大概知道食左咩，但款款都好味，食材會隨季節變化，所以唔會特別介紹，因為下次去都應該唔同。最欣賞侍應們努力地將食物寫成漢字介紹比我，感覺自己好受尊重。我地四個人點左三個餐加一碟小食已經好飽，想再試其他都無能為力。其實散點都好多選擇，不過鬼叫自己唔識講又唔識睇，唯有由店家安排。

資訊 :

和食や じんすけ

地址 : 青森県 青森市新町2 丁目8-5

電話 : 017-777-9130 

個室

套餐以青森名勝命名

無點套餐的，都要求要點一個前菜

套餐的前菜，有鮟鱇鮮肝酢、鱈子煮，兩樣我都愛

刺身勁新鮮，隻蝦上枱時仍然郁

瓦燒岩手米沢牛，牛肉嫩，燒香後蘸生蛋食更滑溜

呢個南瓜蒸物好好味，南瓜包住饀料，底下有魚子，幾特別

黑豆雪糕內的黑豆大大粒，雪糕質地軟糯唔太甜，好喜歡，問侍應係咪自家製，佢立即攞個packing 我睇，影低睇下有無機會買到

侍應窩心小字條

另外點的燒雞，充滿油香，加上大量葱，食落又香又juicy