2016瀨戶內海一圈遊遊記篇 : Day 8－Foodie 生活雜誌

最後一日，食完早餐就出發去機場。剛到達廣島機場時，只覺得機場唔大，靜英英，商鋪食店都唔多，諗住離境大堂都無咩好行，點知大跌眼鏡，原來離境大堂有好大間免稅店，當然無北海道咁誇，但無論食的、用的、書店、電器一應俱全，臨上機前補貨或最後至來買手信都得。咪以為咁就買完，入閘後仲有「北海道三寶」： Royce 朱古力、三兄弟薯條同La Tao cheese cake。機場餐廳都唔錯，2/F咖啡店頗精緻，若果食蠔食到意猶未盡，3/F有間店，外面有枝旗寫住個蠔字，可以入去刷番餐，試哂不同煮法的蠔料理。若果回程日無咩做，不妨早點去機場check in 後行下仲好，唔使一路玩一路心掛掛怕miss 班機，最適合我呢類有旅行緊張症的人。

幾大的免稅店