作為一個後菓粉,加上奧斯卡的加持,當然係乖乖買飛入場朝聖。故事以教主在三個發佈會前與前拍檔、工作伙伴及女友的對話與爭拗,與女兒及並肩作戰的助手的相處,透過密集式的對白,側寫出一個立體的教主。作為菓粉的我,對教主的堅持同特立獨行十分欣賞,無佢的堅持,我唔會有今日愛不釋手的iPhone ,但對佢身邊的拍檔,佢一定係魔鬼: 自大狂妄、目空一切、咄咄逼人。對女兒女友更是冷酷無情。全片只有三場戲,佈景多數為後台或休息室,對白甚多,似睇舞台劇。追字幕都有點吃力,但對白精彩,演員出色,每場戲都有高潮位。其中最有印象的一。段係教主話(內容大概)佢唔需要理用家有何需要,係佢話比用家知佢地需要的係乜,正如有影響力的歌星係唔需要歌迷為佢填詞(後面貼住Bob Dylan的poster),係應該用佢唱的去影響歌迷。佢要做的係創造時代,並非附和,跟住潮流走。我睇到後感受甚深,尤其係今天的社會,我需要的係一個有遠見,有個人魅力同魄力的領袖,帶我走出困境。
 

    全站熱搜

    Hearoom 發表在 痞客邦 留言(0) 人氣()