一套巨星主演的「人在野」加「王子復仇記」。片長156分鐘,全片用好大篇幅描寫主角一人在野外求生的獨腳戲。但導演拍出氣氛,加上主角路上的遭遇,令我睇得好投入,無悶塲。荒涼的美景更加係本片亮點,全部自然景,大風雪、風雪後的平靜、極光、雪崩,好壯觀,完全拍得出天蒼蒼,野茫茫的感覺。故事簡單,兩個字:「仇恨」。兒子被殺的仇恨,對侵略者的仇恨,種族之間的仇恨。但最可悲就係 : 報仇後又如何?結局都係一無所有,只剩下悲痛。主角Leonardo係我喜歡的男演員之一,佢就好似劉青雲咁,做得好係應該,只係睇佢有幾好,呢套係好,但就唔覺佢特別好,不過實在要向佢致敬,因為以佢今時今日的地位與財富,實在無需要拍套咁辛苦的戲,就算你話佢搏攞獎都係咁話。雖然套戲唔可以話非睇不可,但睇得到全片上下包括所有演員同工作人員的心血,拍得咁辛苦,而我卻可以安坐電影院享受,我真係覺得好抵睇。不過部分鏡頭非常血腥,要有心理準備。

全站熱搜

Hearoom 發表在 痞客邦 留言(0) 人氣()