(不易找的入口)

9/2015光顧

若非朋友帶我來,真係估唔到呢度會有間餐廳,四周係布行,仲要在地庫,入夜後更唔顯眼。店子從卡啦ok頂手,我估為左慳錢,沿用舊有物資,所以個場好古怪,似坐在唱廳的卡啦ok食飯,我視之為特色。從朋友口中得知店子由觀塘搬過來,好多舊客都有跟來,心想有舊客又選呢d奇怪地方開業,應該係有d斤両。店內的侍應全部係泰國人,我估個廚都應該係,但食完後就覺得麻麻,唔係我口味。不過口味各人不同,此店服務好好,員工細心又有禮貌,而且價錢超實惠,在附近番工的朋友或者可以去試下?

 

海南雞飯   雞肉嫩滑,但飯同雞都無味,飯仲要生米,似未熟

  

串燒  豬牛雞任選六串,燒得幾香,有肉味,醬汁花生味香濃,唔錯

  

蒜蓉椰菜苗 好大棵,都唔可以叫「苗」,以為蒜蓉炒會清清地,點知上枱見個茨汁又濃又厚,仲有點辣,唔難食,只係唔乎合期望

  

冬蔭公湯河  湯好酸,河粉一pat 咁,但蝦則新鮮彈牙。整體係差,不過$38大大碗仲有新鮮蝦,係咪唔應該要求過高?

  

烤魷魚  我估呢度係咪燒物最馳名?呢碟都唔錯,魷魚烤得香口,柔軟有水份,配香辣醬汁,唔錯

  

Pad Thai  過甜,太油,不合口味。

  

好有趣的格局 

 IMG_3708  

文章標籤

創作者介紹
創作者 Hearoom 的頭像
Hearoom

Foodie 生活雜誌

Hearoom 發表在 痞客邦 留言(0) 人氣()