Foodie 生活雜誌

9/2020 光顧

之前食過覺得一般，不過有靚靚維港景，見到brunch做$298一位，12:30前埋單離開仲有85折，比起平日一個pasta 已經要二百幾蚊，好似好抵食咁，帶太后來試下。可惜質素認真一般，而且坐得迫，太后話好似喺茶餐廳食飯咁，無下次 （我話左佢貴哂）。加上太后遲到，無左個85折，感覺蝕左。

意式拼盤 質素一般，整個盤可能放左一輪至攞出來，食物都乾乾地

caesar salad 羅馬菜新鮮，見到炸蝦內心一沉，心諗又係無味膠刷蝦，估唔到食落爽甜彈牙，大大隻啖啖肉，炸漿幾脆口，sauce份量剛好，整個沙律都好味

開心果鴨肉醬寬條麵 望落乾爭爭，諗住唔荒好，好彩撈匀後的汁夠掛麵，鴨肉醬味濃，寬條麵有咬口，算係咁

main course 焗鱸魚伴大蜆 成碟都無味，魚皮唔香魚肉過熟，仲要加左$70，蝕左

甜品有三款選擇，三款都無興趣，結果揀左心太軟，最無創意甜品之一。

芒果海綿蛋糕 見到隻色都唔想食。蛋糕無海綿感，好乾，芒果又酸，食左兩啖放棄

brunch 餐牌， 頭盤有意式拼盤，沙律有3款選擇，愈多人揀得愈多，我就二人揀一款。之後main course 甜品各選一款。飲品要加錢另點。

被安排坐後排位置，一行有3張枱，好迫，感覺好差。

有靚景都無心欣賞

集團有9間餐廳，食過5間，得間安南越南菜會回頭，其他四間都唔得。不過總算有一間ok，聽講十里洋場ok，揾次試下。