Foodie 生活雜誌

印象中曾有好評的店。平日到來都有一半滿座，大部份是港人，心想應該不錯。

沙律拼盤共有三款 : 蟹肉柚子，味道不俗，只嫌蝦乾較多。青蘋果豬頸肉，味道很好，青甜的蘋果配上辣汁及微烤的豬頸肉，清新美味。青木瓜沙律則無特別。

香芒牛油果肉鬆紙米卷，只食到肉鬆生菜粉絲，香芒牛油果都食唔出。

冬蔭公，不夠酸亦不夠辣，椰汁太多，大頭蝦唔夠膏，大頭蝦始終在泰國食的最好食。不過有次在香港某餐廳用左西班牙紅蝦做冬蔭公都好滋味

金不換雜菇炒椰芯，我最怕油多，所以只試了一口冬菇，其他的由朋友處理掉。

大頭蝦咖喱大蝦加蒜蓉包，雖然知道係雪藏蝦，但正常會用咖喱味搭夠，可惜咖喱只有顏色同型態，味道欠奉。

炭燒羊扒，賣相精緻，一客三件，肉質可以，但味道不足。(不過忘記影相)

呢晚的食物都算差，但2杯特飲更不得之了。分別 點左香茅特飲及香芒特飲。我只能嘗到化學糖槳味道，有時就算化學品都會芒果有化學芒果味，但呢杯「化學特飲」係完全想像唔到係咩味，我只 覺得在飲甜的清潔劑。杯芒果特飲更厲害，同一般大眾心目中的形象好唔同，以為係檸檬梳打，以為叫錯，問左待應兩次，第二次答我係加左芒果糖漿(！)食完結 果要幫襯埋個洗手間至可以離開。

香芒特飲

香茅特飲