Foodie 生活雜誌

(日本庶民拉麵店風格，開左好多年，成日經過都有人排隊)

1/2019 光顧   

1/2019光顧

中環大館活化項目，之前行過一次，非常喜歡，同少爺仔再來，先到Madame Fu 飲茶。其實大館內的餐廳比我印像都係貴夾唔飽，不過見到呢間評價不俗，即管試下。估唔到有驚喜，餐廳佔大館營房大樓3樓全層，充滿英國殖民時期風情，每個房間不同佈置，不同命名，風格不同，但一樣高貴典雅，我好欣賞，影相影得好開心。食物亦唔求其，點心水準不俗，價錢係酒店價，但唔會貴得離譜。不過下次我更有興趣來嘆低茶，幾個閏蜜喺pink room 吱吱咋咋，應該會好開心，但坐長廊又好似幾好。晚餐太貴，不過可以考慮來飲番杯。

1/2019光顧

觀鯨回航後，喺Husavik 市內行個圈，其實都無乜好行，好彩見到出太陽，人都開心d。離開碼頭不遠處有間不俗的餐廳，喺度用餐後，返回Akureyri市中心行下就返歸了。

1/2019光顧

喺鹿兒島只係留左兩晚，無乜時間揾食，特色的白熊冰同熊襲鍋之前又試過，結果無乜心機揾食之下，當然亦無好下塲。去日本少不免要食餐燒牛肉，要食又當然要食日本牛，又想去間地道少少，千揀萬揀，揀左味來屋，結果係麻麻。地方係好地道，喺tabelog分數亦算高，可惜質素一般，有點失望，枉我仲專登拜託朋友為我越洋致電訂位（但唔訂又真係無位喎）。至於早餐，我好少喺酒店食，有時間都想試下不同的cafe，行過見到danken的toast 幾靚仔，又試下。芝士加toast無可能唔好食，麵包係日本一貫鬆軟的厚多士，加上不同的topping，好好味。

最後於中央站轉車時喺站內的food street食左個親子丼，水汪汪，不提也罷

12/2019 光顧 Number 9 coffee@尖沙咀

又多一間cafe 加入尖東戰圈，有時真係懷疑市場係咪容納到咁多咖啡店？店子小小，裝修清新簡約，肥威較薄身，早餐餐單唔吸引。餐廳樓上應該有旅行團必訪的店，因為我去的時間餐廳門外有旅行團不斷經過，好似好繁忙咁，我對餐廳印象麻麻，區內有不少出色咖啡店，所以呢間試過就算。

(睇個英文店名，店主應該對自家出品好有信心。店址已幾度易手，之前的店都做得不錯，可能因為加租而結業？希望今次做得長)

1/2019光顧

1/2019 光顧 舒房@北角

今日去觀鯨，聽講在觀鯨季節（5-9月）喺Husavik睇到鯨的機會率有90%，一於參加。太后怕暈船浪，加上喺紐西蘭睇過「咪睇隻嘢突個頭上來再落番水，有咩好睇？」所以佢送完我地船就返上車煲劇，我懷疑若有人問佢冰島有咩好做，佢會答 ：煲劇😓。

當日天陰陰，但好彩海面平靜，無暈船浪，我睇blog有d人遇到大浪，嘔到九彩。我地亦都幸運地睇到鯨 ，好開心。