8/2016光顧
朋友住東涌,呢度係佢飯堂。餐廳樓底高,一片落地大玻璃,靜靜的,幾舒服。食物水準不俗,pasta 醬汁香濃,咪以為酒店餐廳價錢貴,呢餐只係每人二百,東涌屋苑住户證有9折,唔洗排隊同人迫都抵番。
8/2016光顧
朋友住東涌,呢度係佢飯堂。餐廳樓底高,一片落地大玻璃,靜靜的,幾舒服。食物水準不俗,pasta 醬汁香濃,咪以為酒店餐廳價錢貴,呢餐只係每人二百,東涌屋苑住户證有9折,唔洗排隊同人迫都抵番。
8/2016 光顧
去酒店中菜廳晚飯未必一定要食鮑參翅肚,有時只係想坐得舒服d,尤其係請朋友食飯。今次食小菜,菜式都係一般小菜館可以食到的,不過就精緻d,食材新鮮d,例如菜就只食菜薳。味道唔錯,地方雅緻,價錢合理,唔錯。
滷水牛展
8/2016 光顧
一間在待食名單上有一段日子的餐廳。喜歡食西班牙的tapas,款式多,細細件又好味。餐廳佔地千幾尺,地方闊落,唔會坐到迫迫夾,tapas款式選擇算多,今晚兩個人食左5個tapas一個main,食物味道好,有心思。係張單貴左少少,不過在香港食西班牙菜一向唔平,但有水準的又好似唔多,無可能次次去cataluna,我覺得呢間係中價之選。食第二次經朋友講至知無加一,我食兩次都唔知,無比貼士,真唔好意思。 (相片係兩餐夾埋)
8/2016 光顧
希望愈大失望愈大的一間餐廳。book位時要信用卡確認,又send 個長長email 講cancelation policy,搞到好大笨象咁,去到原來只得幾枱客。餐廳地方舒適,氣氛casual,每人點左個3 course 餐,侍應將每道菜形容到係人間美食,可惜廚師配合唔到,無論擺碟同食味都普通,感覺over price。