蘭苑饎館@太子－Foodie 生活雜誌

3/2016光顧

要食龜芩膏，一定係呢間，無他，四個字:「真材實料」（本來想寫「貨真價實」但真係愈來愈貴，唔知個價實唔實）。以前上一代掌櫃時，話佢知有咩問題就會加藥粉比我，通常都係濕熱爆瘡，不過家陣富二代掌櫃，話要$250以上的膠先至適合加藥粉，否則會浪費。噢，咁佢伯爺應該都浪費左好多藥粉喺我身上。除左龜苓膠，呢度好多食物都唔錯，晚餐的蒸餸，無味精例湯，仲有糕點，簡單有益的配搭，平實小店。（星期一廚房休息，只得甜品同龜苓膠供應。）

我每次一定點$80 （由$50食到$80，人工都無加咁快）。無特別，只係中庸之道，唔想食最平，又似乎唔使食咁貴，龜苓膠唔係一般市面的杯裝涼粉feel，係黑色豆腐花feel，嫌苦可以加冬蜜，想藥效勁d可加鹽，有哂指引。我通常加冬蜜。