Foodie 生活雜誌

第一次喺國內自駕遊，揀個方便又容易的地方，我揀杭州。喺香港坐兩個零鐘頭機就到，好方便，經神州租車公司租車，出發前喺網上訂好哂，去到喺機場直接攞車就得，不過原來由於我無「芝麻信用」，即係信用度，唔可以用信用卡比按金，要用微訊現金支付，仲要係人民幣，大拿拿七千銀，好彩駕駛員有富貴朋友即時過數比佢，否則真係企喺度。攞車後先醫肚，無諗過五點都要排長龍，感謝團友們肯陪我等，飯後去酒店check in，再去附近睇下錢塘江夜景，時間尚早，決定打車去清河坊行個圈至返酒店。

好耐無搭過機鐵

今次有個免費pass入lounge，嘆個牛扒早餐至上機

眨吓眼就到，喺機上連吳君如套「我談的那場戀愛」都未睇完

杭州蕭山機場又大又靚

真係温馨提示

出發！

杭州的路有限行，一度令我好傷腦筋，好彩原來我的行程完美避開限行日子，正

來到方老大食爆腰花麵，去到已排隊排到出門口

入面都要排

睇到價錢嚇一跳，無諗過街邊小店要幾十蚊碗麵。餐牌睇落好似好多嘢食，其實主要係腰花、大腸、肉絲、虾仁、爆鱔、豬肝等幾樣配料左配右搭，可加番茄，另選炒麵（拌川）或湯麵

店內好多指示及介紹

碗碗麵都係即點即炒，好有鑊氣

三碗麵 ： 腰花大腸肉絲拌川、虾仁爆鱔肉絲拌川、腰花豬肝茄汁拌川。配料爆得好香，醬油味濃，食食下都好幾滯。一碗麵的份量好多，我地四個人點三碗都覺得太多，但居然見到有個女人一個人食一碗湯麵及一碗川拌，簡直係奇景

飯後去酒店check in，一般商務酒店，房間唔錯，不過唔使特別介紹。有點出錯係以為酒店喺旺區，原來喺商業區，夜晚好靜

行去錢塘江邊散步睇夜景，不過夜景應該喺對面….

團友們意猶未盡，即時打車去清河坊買張小泉，一有得買嘢個個即時醒神

清河坊又係老街活化遊客區，好熱鬧，大家行得好開心

夠皮了，返酒店