Foodie 生活雜誌

日本食西餐我好少彈，但呢間真係好唔得，餐廳的評價不俗，食物其實ok，但服務真係好奇怪。餐廳類似私房菜，確認訂位前會email問客人有乜唔食，我話有一個朋友唔食牛，其他人乜都食，餐廳答覆唔可以，因為佢地餐單有牛，唔可以為一個人而改，咁我咪唔訂囉，點知轉頭餐廳又回覆話若四個人都唔食牛就得。我無所謂，反正又唔係前世未食過牛，只係想試下廚師的創意。

餐廳setting 係一張木製長吧枱，open kitchen，爐頭同料理台都喺一邊，工作枱及洗碗zinc盤喺另一邊，我坐洗碗盤嗰邊。全餐廳只得一個主廚一個二廚及一個外塲。結果係chef由頭到尾無行過過來，外塲就由落單至上菜，備菜至洗碗都做哂，見佢又要上菜又要幫手準備食材，之後仲捲起衫袖去洗碗，洗完碗又去備菜，個袖濕淋淋，感覺唔係好衞生。

我忍唔住問佢點解咁忙，佢話有人放左假。結果係一間中級西餐廳卻有如茶餐廳feel，仲要係咁喺我面前洗碗，真係食到好無癮。到走的時候我都黑黑地面，個chef至好似勉為其難咁講句多謝，你大方我唔小氣，同佢講左聲bye就走，一個不愉快的經驗。

餐廳地點好隱蔽，喺住宅大廈地下，我喺附近揾極揾唔到，結果係附近餐廳的老闆指路至識，諗住呢類「呀蟲介紹來」的餐廳應該有啲料到，點知…..

open kitchen 分兩邊，一邊煮食，一邊洗碗及焗爐，我坐的一邊完全睇唔清楚chef做乜

想點才杯酒，無drink list，又溝通唔到，外場即時寫個price list 出來

我全程好似坐廚房後欄咁，無癃之至😡