Foodie 生活雜誌

行程進入尾聲，今晚會住大理古城，因為團長嫌大理古城太多人，去個少人d的魏山古城先。對我來講其實個個古城差不多，發展左的又嫌商業化，未發展的又嫌遠嫌未開發，好難服侍。

講番魏山古城，係商業化得來無咁多人的古城，我呢團係龜速旅行團，所有地方都磨爛蓆，喺城內左穿又插，慢慢行都行左幾粒鐘。離開魏山直去大理古城，只係門口都熱鬧到嚇死人，完全好似鄉下人去左京城咁，大理古城果然名不虛傳👍🏻

晨早一杯啡

離開洱海出發往魏山古城

古城個個差不多，似海浪公園的古裝街

古城內有好多住宿，呢間好像樣，係以前富家大宅

亦有平實的住宿

又行下

都有原住民

比錢買糧餵狗狗，我覺得好有樂園feel

找亮點

菜單名稱 : 「又係嗰d」

呢度同大理古城的人流差得遠，行得舒服

咖啡店好hea好舒服

當然又要飲

又要四圍行，橫街窄巷好多小店，呢間咸菜工塲，自家醃製，團長當然唔會放過，買左幾樣，因為「一點就到家」，會直接送貨到香港，比完錢就走得，最後其中一支醋漏水，店家直接退款，方便到暈。

仲有製香店，我買左兩盒，但香味太傳統，點左似喺寺廟，最後都掉左

往大理古城路上，遇見彩虹，超哥揾位停好比我地慢慢影

田中植物係做煙的煙草

喺雲南，天上的雲都係一道風景

來到大理古城，人頭湧湧，見到呢個陣勢，呆左一呆

入住兩晚民宿，店主曾經打電話通知我地話房間地台漏水，可以退房，但聯絡唔上我地，結果我地去到因為揾唔到房，照住，好彩情況唔算嚴重，最後店主只收一晚房租，合理

晚飯去揾段公子

來到雲南當然要食菌，來一個菌火鍋，因為某幾種菌有毒，要煮耐d，所以侍應講明要煮十五分鐘至可以食，有計時

晚上的古城，繼續熱鬧

古城內有好多酒吧，間間都有live band，間間都坐滿人，氣氛熱鬧，個別演唱者的粉絲好熱情，聽講好多歌星都喺度被發掘

陪少爺仔去玩射槍。因為呢位小朋友實在太乖，呢個對小朋友來講悶到抽筋的行程，佢無扭計，自己睇書或盡量參予，全程無打機㗎！所以一見到古城有啱佢玩的遊戲，孤寒如我的港傭都忍唔到淘錢出來比佢玩👍🏻

starry night 中國版

愈夜愈美麗，美得詭異