10/2020 光顧
串揚，即係炸串，原本想去的一間無位，見呢間評價不俗就試下。居酒屋形式，除左串揚，餐牌上仲有串燒、前菜、主菜及甜品等，菜色選擇大路，食物味道唔突出，串揚串串味道一樣，串燒香味不足，油膩有餘。不過當晚幸運地獲餐廳提供房間，我地幾個朋友可以放鬆地開懷暢飲，雖然食物水準一般，但服務及氣氛都唔錯。
串揚 ： 雞肉紫蘇卷、海老、牛、豚、年糕、免治鴨肉。除左口感不同，味道都差不多😅
正宗食串揚係有一盒醬汁放枱面，食物點醬汁後不可翻點。但因為疫情關係，醬汁都係自己倒喺碟上面點。椰菜清甜，可以refresh 味蕾，又有減熱氣的感覺。
串燒 ： 牛舌、雞軟骨、雞腎，燒得唔夠香，牛舌似煎香多d
下酒小菜 ：燒明太子及魔鬼魚乾都唔錯，香脆雞翼，似普通煎雞翼，唔覺特別香脆
啤酒夠凍👍🏻
清酒價錢唔貴
餐廳喺商業大廈單位內
地方細細但氣氛唔錯
幸運地被安排坐房，無需加費，不過要除鞋入座。
全站熱搜
留言列表
香港食食食 (25)
