Foodie 生活雜誌

今日又係長途車。從普洱市到糯崗山寨。先到網路上講普洱市第一咖啡店Torch coffee買咖啡。咖啡店由外國人Martin所開，從咖啡園到cafe到咖啡班一條龍，好全面的發展。咖啡種類選擇多，外國及雲南的都有，外賣咖啡上車飲，味道不錯。沿途大部分行高速，雲南多山，不停的穿隧道，山過山，師傅話呢條高速路費平均$1一公里，係全程最貴的路。行完兩小時公路再行一小時山路，山寨近緬甸邊境，途中經過檢查站，個個都睇完就過，但我地要落車登記証件，真係無諗過。

一路上山，山谷天氣陰情不定，我地喺觀景台見到對面山谷落大雨，自己嗰邊有太陽，暗自慶幸，點知原來自己就係去緊落大雨的地方，到達時雨大到落唔到車，好彩轉頭停雨，到走的時候更加放晴。糯崗寨（糯干）係傣族人住的山寨，四周有古茶樹圍繞，所以寨內好多賣茶的地方，可免費飲茶，飲啱就買，喺寨內四處逛，食個午餐試下茶，不經不覺又三個鐘，回程去古樹園望一望，又再坐三小時車回普洱市了。晚餐回到今早的咖啡店，因為有pizza同pasta，食左幾日雲南菜，以為終於可能食下西餐，點知收！左！工！簡直係絕望！最後求其揾左間台灣菜食雞飯就算了(死都唔食雲南菜😡)，飯後行個圏就回酒店了。

TORCH 咖啡店，原來朋友的同事都有喺呢度訂豆

開車上公路，如今國內的公路都好國際化，只係全變成中文，更方便

又大又濶的公路

不停的過隧道

因為糯崗寨近緬甸邊境，所以有查車

離開公路上山了

司機話好怕呢啲石仔路

望到對面落大雨，仲慶幸自己呢邊出太陽

點知原來去緊對面😅

糯崗寨，一個仍未算過度開發的古寨，仍有傣族原住民

不過都現代化了，有機車

藝術？

傣族建築

上左其中一間客棧參觀

醫肚先

賣茶係寨內的主要收入來源，四周都係茶室

居然有一間咁靚的茶室，而家好多年輕人都會回到家鄉發展，只要有互聯網就無所不能了

朋友當然有買茶

寨內觀光

雲南有好多不同的植物，有機會真想再去睇下

屋外種稻種粟米

綠色的烟花

既然古樹茶咁勁，點都要去古樹林睇睇

都唔知邊棵係古樹

當佢係啦

晚餐，求其食

夜市