Foodie 生活雜誌

喺東京真係無乜好做，唔係食就係買，今日全日都逃唔出銀座同有樂町，來來回回咁就一日，明日會去箱根，我同團友話，隔幾日再回來，去邊唔緊要，但無論如何要坐車離開銀座💪🏻

是日最值得記低的係揾食經歷。話說我今次無乜準備餐廳名單，諗住行到邊食到邊，發覺原來我係唔啱呢個style ，因為我太多心又多要求，結果不停揀，當晚孤獨美食家上身，喺街頭行到街尾，穿梭大厦行上行落都無間啱心水，可憐三位團友行完一日街都繼續要陪我行，最後團友A忍唔住話 : 「揾唔啱就番酒店食飯團！」我居然答 ：「都好～」。呢個時候，奇蹟出現，比我發現到一間西班牙菜，感覺幾良好，喺我猶豫之際，一向無意見的團友B可能太驚要食飯團，立即好決斷地講 : 「就呢間！」結果一行人終於可以坐低舒舒服服食晚餐。

酒店附近的LISA LARSON 主題cafe , 可惜無時間去

昨日太勞累，今日十點出發，從酒店行去丸之內食午餐，二十分鐘左右，順便睇下市容，太多年無來過，睇乜都覺得新鮮

一早先去預訂左的鮨店食，團友A同團友B不約而同話想去，咁梗係要加入行程，食完只覺一般。

食店座落的商場彼鄰係藝術館，所以商場的露天茶座好靚，似去左法蘭西。

日本的像個男孩店有埋cafe 

行行下，又食tea，呢間日式cafe原來係連鎖店Tully’s coffee旗下，日式甜品，梗係點綠茶系

繼續行行行，呢個圓柱體bldg 係咩呢?問過G神都唔知。

入夜……銀座的大厦似設計展覽

最後揾到呢間喺地牢的西班牙菜，好味👍🏻

貴婦行銀座行哈蜜瓜同賤nel，我就窮人底，無論去邊區都係行大嫂，仲有好豐富的戰利品😆😆