Foodie 生活雜誌

7/2022光顧

又一間日本木系水泥裝修的餐廳，唔知點解總係被呢類裝修吸引。餐廳有正餐又開到晚上10點幾，所以我將佢歸類為餐廳，係提供到一杯認真點的咖啡的餐廳。食物及咖啡質素一般，侍應比較cool。荃灣區cafe競爭愈來愈多，除左我去開的Alchemy Espresso之外，對面商場內剛剛又開左NOC，唔知愈開愈濫的cupping room幾時插旗呢？咁樣對於我等消費者有好處，可分散人流，但質素卻愈來愈向下滑☹️

麵包餐

sourdough 上放配料，即係open sandwich ，我點左四款配料 ： 炒蛋及磨菇，牛油果及慢煮雞胸。食材質素可以，但我唔喜歡牛油果加檸檬汁，感覺似食隔夜果。

話說呢個麵包餐有多款配料選擇，可選兩款、三款或四款，一客有兩塊麵包，若選兩款配㪵就每塊包上一款配料，問過可唔可以每塊包兩款配料放埋同一塊包？答案係唔得，點解呢？係咪成本會重左？

三款配料就兩款配料放一塊麵包，另一款配料放另一塊麵包，好似好唔靈活咁。

long black 

有nutty 及 fruity 揀，咖啡一杯，無乜印象。

木系裝修，樓底高，地方算濶落

有閣樓，懷舊梳化應該幾舒服，令我想起以前去過的京都咖啡店

看街景的位置

自家出品咖啡豆，已成為例牌，換個袋就係

食物選擇多