close
3/2022光顧
近年好興食酸菜魚，好多國內店都嚟左香港開店，呢間係其中一員。酸菜魚係經典菜式，感覺老氣，但餐廳裝修清新年輕，好明顯係走年輕人路線，舊式的酸菜魚換上新裝後感覺出奇適合。酸菜魚味道適中，份量好大，兩個人食完後已無戰鬥力點其他菜。
酸菜魚
用鱸魚片，肉質較緊實。大大窩，金黃色的湯底好吸引，湯頭味道麻香酸辣有齊，但無想像中濃烈，可能要就番市場。酸菜好味，無好厲害的加工味道。我加左萵苣及鮮豆皮，萵苣清甜，見識少，以為豆皮似腐竹咁柔軟，原來係比較硬的，唔啱食。
上枱時湯頭好奇怪地明明有煙出但又唔夠熱，雖然碟底有蠟燭熱住，但只係聊勝於無，食左幾啖忍唔住要廚房翻熱，翻熱後好食得多。但唔知係咪之前食了晾左的油份，回家後滯住滯住
油炸條
即點即炸，熱辣辣，外皮金黃酥脆，內裡有空氣感，點湯食好好味，油上加油。呢條油炸鬼水鬼升城隍，價值$38
湖水藍的店面加上半熊半魚的icon，清新可愛
全站熱搜
留言列表
香港食食食 (25)
