close
3/2022光顧
喺北角食完飯，套餐無包咖啡，唯有出外揾。喺開飯網見到呢間感覺專業，按地址行就係。cafe得一位員工，亦係咖啡師，點左杯手沖，味道平和。舒適的小店，行過歇下腳，充電再起行。
同咖啡師吹水，聊到咖啡店生態。近十幾廿年咖啡潮流愈演愈烈，全世界的大都會都開左好多不同類型的咖啡店，我自2014年開始光顧咖啡店，睇住市場增長，疫情期間無得外遊，咖啡店更加如雨後春筍，保守估計起碼開左二百間，因為成本唔算高，好似呢間細細間的，五十萬左右就可以開店，門檻唔算高(當然唔計之後捱貴租)，結果就係咖啡店汜濫，良莠不齊。結論係若只想飲杯好咖啡，其實唔使周圍試，揀幾間啱飲的就得，揾啱個咖啡師，每次試下不同的豆，嚐嚐咖啡師的手藝，就似去食Onakase。不過而家咖啡師同鮨店師傅一樣咁搶手，今次去完下次可能已唔喺度。好似今次遇到的咖啡師已預告我知佢又快走了….
六十零蚊杯手沖，價錢合理
咖啡店喺橫街內，細細間，最喜歡呢種店，standard 咖啡店裝修
全站熱搜
留言列表
香港食食食 (25)
