Foodie 生活雜誌

1/2022 光顧

深水埗的cafe版圖已由最初的起點大南街擴展到如今的荔枝角，大大話話有幾十間，要試都有排試。今次揀左長沙灣的LUNGO，店名LUNGO係其中一款espresso的種類，以此命名，有專業感😁因為cafe出的排頭係bagel同hand drip coffee，hand drip 就唔識欣賞，bagel係我所愛，要試下。餐廳以日式木系裝修，簡單温暖。bagel 唔錯，好多人買外賣，肥威可以，住喺附近的朋友不妨一試。

Avacado & Guacamole 牛油果加牛油果醬bagel 。bagel表面撒滿芝麻，烘得微脆，有空氣感得來又帶煙靭，口感好好。牛油果熟度剛好，口感綿滑，沙律菜新鮮，有薄荷葉，味道更清新，質素高的bagel。

簡單早餐，咁就差不多一舊水，其實幾貴。不過而家去間好少少的茶餐廳叫個早餐，轉杯凍飲改食一丁都要成六十蚊，有比較無相害，咁我又覺得呢個環境同食物質素，加多點都值嘅~

Mario 大啡菇、芝士加蜜糖芥辣bagel。主角bagel 前面提左，蜜糖芥辣味道温和好味，大啡菇有質感，加埋半溶芝士、點點香草及新鮮蔬菜，好味。不過大啡菇可以再烤乾身點，因為一襟個包，熱汁已從bagel 窿唧出來，辣親手指，仲要食到好呢hea。

咖啡奶滑，温度恰好。第一次幫襯味道唔夠香濃，不過第二次幫襯就好飲。

可愛插畫menu

日系木材風格餐廳，門面簡潔。門外間出一個小房間，設計幾特別，半開放式，落雨不怕落雪也不怕。

蛋卷供應

自家咖啡豆

好多駕撐

有菲林賣，好文青