Foodie 生活雜誌

1/2022

noc係我欣賞的咖啡店，幫襯多年，如今遍地開花，分店開到將軍澳都有。剛開業時好墟撼，如今熱情冷卻，直入就有位。cafe 風格跟其他分店相同，一室白與灰，一貫簡約，空間大，落地玻璃自然光透入，好舒服。cafe 加餐廳，有多款食物提供，食材好，咖啡香，係區內cafe的好選擇。

巴馬火腿田園多士 sourdough 多士上係火腿、水牛芝士、番茄仔、無花果。呢類open sandwich 無技術，最重要係食材高質，多士烤得硬度剛好，邊皮脆，火腿顏色及濕度都好，味道唔太咸，水牛芝士仍保持柔靭，番茄甜，無花果清新。不俗的多士，缺點係價錢貴。不過諗到若自已整，買齊咁多料都唔平，咁又食得安樂樂了。另有一小盤新鮮沙律菜。

帶子手工扁麵 近年好少點帶子，因為好多餐廳都整到無味，成舊膠刷咁，呢度整得唔錯，帶子嫩滑有味，扁麵有咬口，但我嫌個汁又稀又淡，唔掛麵，整碟意粉變得乾身，同帶子唔配合。加多兩塊麵包，夠飽了。

咖啡一樣香濃奶滑，夠熱，保持水準。

自斟水，可選有氣或無氣

餐廳喺商場地鋪，外面係單車徑，幾開陽。

地方大，毫無壓迫感

落地玻璃外對住綠色植物，讓眼睛休息

大大的咖啡吧

有麵包賣，每日新鮮焗製

賣咖啡豆的櫃枱，感覺專業

呢個半封閉式飛機商務雅座，呢款雙座位好有安全感，另一款單坐位似坐監，所以我轉左過來。

一切由嘉咸街店開始