7/2021 光顧
唔知係咪我黑仔，去親大商場內試新嘢通常無好結果。話說去開太古城，見到呢間新派韓食評價不俗，鎖定目標幫襯。不過無想過餐廳係半自助形式，行來行去點餐攞餐具有點煩。食物味道一般，我試左兩款食物，一ok一唔得。不過餐廳裝修精緻，好有少女feel，食物present好靚，餐牌都影得好靚，啱晒打咭。高級快餐，試過就算。
燉牛肋骨蛋包飯 賣相幾靚，蛋包飯上的蛋輕輕一𠝹，蛋從中間向左右滑下來，蛋望落柔軟順滑，好靚。不過無蛋味。牛肋骨軟稔入味，汁稍甜，不俗。
𠝹開蛋後，內裡綿滑
menu有教你點食㗎
芝士千層豬扒 呢個認真失敗，一開始咬落去只有芝士及麵包，完全食唔到豬扒質感的食物，再用叉揭開芝士，至見至所謂的千層豬扒，原來係幾塊薄豬肉片叠埋，但都係太薄，無乜口感，加埋香精味的醬汁，實在錯哂。呢個盛惠$178的菜式，搞到我唔敢再點飲品。
餐廳半開放式
茶座feel，地方幾大
乾花裝飾，有少女feel
餐牌有如插畫簿，都幾靚
自取醬料餐具
全站熱搜
留言列表
香港食食食 (25)
