對大董的認知，係大董烤鴨，仲要同香港的大都烤鴨溝亂左，所以來到商場，朋友話要食，我無乜興趣，坐低見到餐牌上寫住「意境菜」，中西意法日菜都食過，意境菜真係未食過。睇本menu，印刷精美，成本書咁，連紙質都講究，菜式創意十足，味道亦配合，擺盤似藝術創作，真係估唔到喺國內會食到如此高水準菜色，當然價錢都有番咁上下。
資訊 :
大董
地址 : 海德三道粵海街道深圳灣萬象城L410鋪
交通︰乘搭東鐵到落馬洲站，過關後從福田口岸站乘地鐵4號線到會展中心站，轉乘1號線（機場東方向）乘搭3個站於車公廟地鐵站再轉乘11號線（碧頭方向）乘搭3個站於后海站G出口徒步約3分鐘即達 (資料由UTravel提供)
午餐的菜館等位時有水有糖提供，呢間仲勁，等位時除左檸檬水，仲有紅白酒提供，雖然紅白酒係紙包貨，但都好有誠意
端午節期間，仲有包糭活動，小朋友等位都無咁悶
意境菜，未食過
成本書一樣的menu，相片拍得靚，印刷精美，紙質都講究，我真係好認真地睇哂，睇左好耐
薄荷檸檬爽 清新
櫻桃鴨肝 鴨肝做成車厘子一樣，同真的車厘子放埋一齊，幾可亂真。鴨肝口感幼滑，酒味較重
黑海鹽奶油豆蓉湯 creamy 清甜，小朋友話好好飲
話梅准山 完全食唔出話梅味，無論顏色及味道都覺得係藍梅味。准山同藍梅混合搞成蓉，再雪凍定形，清新健康的冷盤
夏天的莫奈花園 呢個真係不得了，勁在擺到靚靚都只係28蚊人仔！睇nenu唔知係乜，但我喜歡莫奈的作品「睡蓮」，決定點來睇睇，甜蝦刺身做主角，配上黃色的咸蛋蓉及石榴味珠珠，紅色的berry味jelly，撒上綠色的冰菜及紫色的花瓣，色彩繽紛，雖然無莫奈feel，但又真係色味俱全，點來影相都抵！👍🏻（冷盤，無香味）
綠豆飯咸蛋黃 又一個花園，用葉子包住的一口糭，咸蛋黃軟綿綿，米粒圓潤黏口，入口與咸蛋黃融為一體，好味
脆皮咸雞 完全唔脆，我懷疑比錯左水晶咸雞，反正嫩滑美味，無追究
酥不膩小雛鴨 菜如其名，鴨細隻，鴨皮酥而不膩
食鴨的醬料及配料每人一份，整整齊齊放在格格碟內，似調色板，好精緻 (睇番張單至知要收費😅）
鴨肉juicy，片出細細一小碟，好矜貴
除左么么，仲有空心餅夾鴨皮，未試過，幾特別，空心餅烤得香脆，好味
鴨湯，無味
腩肉乾焗菜花 鐵板上，腩肉惹味菜花甜，good
每枱贈送的糉，慶節
三鮮餃子 最後以一碟餃子結束晚餐。餃皮厚薄適中，帶煙靱，饀料豐富，一啖一隻，好味
奉送生果，當晚可能唔夠人，見侍應忙得團團轉，所以早早放定生果在旁邊，攤到暖哂，我唔多想食，侍應哥哥好識做，立即同我換過，忙到甩轆都仍然禮貌周到，讚
留言列表
香港食食食 (25)
