Foodie 生活雜誌

作為一個温泉控，總喜歡嘗試不同的温泉及澡堂，今次去的仏生山温泉在市郊的住宅區內，午餐後坐電車至仏生山站再步行約十分鐘就到。澡堂現代化及簡約的外型，在樸實的環境裡非常突出。温泉係澡堂形式，要購買入浴券，由於在買車票時已包埋，入場時只需出示扇形車票予職員蓋印就可以，仲附送小毛巾。温泉內裡設計清簡，有小物售賣，又有小型書店，滿滿的文青風乙温泉水滑，浸完温泉後，在休息間午睡或嘆咖啡，對住以一排竹籬笆作裝飾的庭園，享受寧靜的午後，一派悠然。

資訊

仏生山温泉

地址：香川県高松市仏生山町乙114-5

電話 : 087-889-7750

返回栗林公園站坐電車去仏生山，可愛的小木屋

坐小電車旅行，感覺好在地

到達仏生山站，車站有指示往温泉，一條大直路直行就係，沿途係住宅區，跟好多日本市郊住宅區一樣，好靜，無乜人

沿途都有不同的店鋪，有新有舊，不過都係無人。

舊式雜貨鋪

仏生山温泉，外形簡級，由兩個長方體組成，似兩個貨櫃組成

開放時間，每月有一日休息

同傳統澡堂不同，室內設計好有時代感

先鎖起對鞋

車票入浴券，見到上面有温泉的蓋印嗎？另外附送小毛巾

室內呈長形，以木為主要裝修材料，非常乾淨，一塵不染

有日常生活的品味小物售賣。

另有有小食售賣，仲有麵包，不過今日賣哂

50m書店。50米長的長枱上放上不同類型的書藉，歡迎取閱

左面係中庭吸煙區，右面係輕食店

輕食店，設計一貫簡約

輕食店提供簡單飯麵，咖啡刨冰等

終於都開始入温泉，當然有分男女

温泉在中庭，分內外湯，外湯有三個風呂，相中的風呂為其中一個外湯，對面係內湯。開放式更衣室在左手邊（相片取自官網）

另一角度的外湯環境（相片取自官網）

温泉資料，水質非常滑

浸完温泉出來大廳休息，或坐或睡，適隨尊便。最重要係大家都靜靜的

另有椅子，可以睇住庭園竹籬笆發呆

太后好暵，瞓個晏覺。後面兩位女子唔知傾乜，但我感到呢度絕對係閨蜜約會的好地方

我趁太后午睡時，攞出自備的報紙（覺得幾變態）點杯咖啡，享受閒暇，覺得自己喺旅途的時間上用得幾奢侈

等太后瞓醒就去晚餐了，（豬一般的生活）

車站都好文青，設有書架，應該作漂書用？坐椅上有不同款式的坐墊，會有人顧住睇書忘記上車嗎？