Foodie 生活雜誌

4/2019光顧

話說朋友想食清d，我提議食素，諗住平日晚上的中環餐廳通常靜英英，點知book位時居然滿座，因為好似好勁咁，所以更好奇想試下(當日結果係同想食清d的朋友去左食生蠔😅）

素食西餐廳在商厦樓上單位，地方細細，只能坐二十幾人，座位較迫，好彩當晚無乜人。諗住會有特色配搭的素菜，可惜原來只係一般西餐都會提供的素菜選擇，主食係pasta 同 risotto ，只係無左肉，全晚只得一個pasta引起我的興趣，而且味道一般，作為非素食者，我覺得唔使特登來食。不過餐牌會標示出某些菜式會用某些配料，對於食物敏感或食素的人係方便的，呢d係一般提供素食西餐的餐廳唔會做。

睇完餐牌，無特別想食的，點個set dinner，再加一個湯及pasta

沙律 

西蘭花椰菜花忌廉湯 幾滑

餐包 芝士焗蘑菇多士

法式紅酒燴野菜 睇完個名再見到碟菜，得啖笑。無論賣相同食味都似打左個蠔油茨的雜菜碟

俄羅斯酸奶忌廉手工意精 菜單上就只係呢個菜吸引。結果都無令我失望。酸奶忌廉滑而不滯，意粉係長管粉，有咬口，以濃味的牛肝菌highlight，不俗

法式洋蔥湯 單點，呢度的法式菜都好港式，睇塊麵包都明晒，湯底稀，係用洋蔥煮的清湯，並非傳統洋蔥湯，無意思

牛肝菌意大利飯 睇相都知太濕

大厦的入口在橫街內

餐廳佔單位全層， 地方細細但裝飾有點點法國bistro風，幾多外國人，當晚西人、韓國人同日本人都有，似遊客，但又會咁叻可以識得摸上來，可能餐廳真係幾出名。

餐牌全註明某些菜色可能含有的配料，可能對食素的朋友點餐會方便點。我乜都食，所以無影響。