2019北九州遊住宿篇キッチン山小屋 Holahoo@南阿蘇（二食篇）－Foodie 生活雜誌

訂此住宿，係被晚餐的評價所吸引，小屋提供法色晚餐，色香味俱全，等二朝的早餐都唔馬虎，果然有名有實。

晚餐6:30開始

近年時興的簡約餐具

較早前焗好的麵包，切開一片片伴橄欖油食。橄欖油都唔馬虎，係靚嘢。

小食，係南瓜、紅椒同洋蔥切粒串起，可愛的小食

頭盆 多款魚生及蔬菜，每款拌著不同醬汁食，攞碟靚，成個花園咁，食材全部在地，蔬菜好清甜，咁多款醬汁，有jelly，有cream，又有泡泡，好花工夫

團友唔食牛，比個粟米湯，用新鮮粟米做，又滑又香甜

其他人飲清燉牛肉清湯，湯夠熱，清澈無油，牛味濃，睇完「煮房裡的人類學家」至知一個清燉牛肉湯係要好多工序，底下仲係好滑的蒸蛋，正👍🏻

酥皮三文魚卷 個酸皮好香，切落chap一聲，非常酥脆，菠菜嫩，三文魚柔軟粉嫩，very good

之前同店主溝通過有團友唔食牛，結果全枱食豬。豬扒好嫩，似岩手的白金豬，邊邊的油脂煎得油香四溢，火喉剛好，薯泥香滑。見到隔離枱的肉眼都煎得好靚

甜品朱古力雪芭就顯得平淡了

年輪蛋糕係下午喺民宿旁的咖啡店買，用友喜歡食年輪蛋糕，我地講笑話有人生日，問店主攞刀諗住切開食，點知店主好有心，話幫我地切，轉頭點哂爉燭寫哂字，仲熄埋燈捧入來，全場拍手唱生日歌，真係玩大左，只好將錯就錯，大家一同慶祝。真係唔好意思。不過個蛋糕味道麻麻，唔係想比較，只係剛剛試過「山荘 竹ふえ」的年輕蛋糕後，好難唔比較。