早上於酒店內食完簡單但豐富的早餐，就往直島進發，正式進入藝術祭之旅。坐10點船，原本想昨晚買定船票，但職員話要即日買，所以早少少去排隊，停車後再買票，若連車上船，要注意車的長度，出發前查清楚，否則到時由職員目測亦可。上船後停好車就上船艙坐。日本的船真係好整潔，窗口一列大玻璃，睇景好清楚，連厠所都夠豪華，佩服！
排隊上車，注意 ：不同線去不同港口，請注意指示
出發 !
好細心，每個輪都放個阻
再見高松港
豪華厠所
船程大約一小時，在宮蒲港落船，一落船已經係information centre 同巴士站，加上正舉行藝術祭，配套齊備，非常熱鬧。
無揸車的可坐巴士，南瓜迷至愛
亦可以租單車
大部份路段沿海而行
島上小小麵包屋
介紹少少藝術祭的資料。瀨戶內海藝術祭每三年舉辦一次，每次展期約三個半月，分春夏秋三段時間。由不同國家的藝術家創作約一百個展品，分別散佈於高松港、宇野港及瀨戶內海7個小島上、。部分展品要付費欣賞，若認真參予的可以買本書再加個pass，書內有藝術祭的詳細資料，展品簡介，買pass則可以用一個價錢睇哂咁多展品，唔使遂個比。我唔係藝術人，純粹好奇，所以無買pass。呢個計劃最有意思係以藝術來活化七島。話說年輕人紛紛搬到城市，加上人口老化，小島日漸凋零，財團Benesse先在直島推出不同藝術計劃，再慢慢擴展至其他島嶼。藉著每三年一次的藝術節，將展品擺放在島上不同角落，或將荒廢的老屋活化，作為展示塲地，參加者如我就以check point 方式，依照地圖在島上四出尋找展品，喺呢個過程中，你可以順道遊遍小島，而小島的居民亦落力參予，一些老人家更會做義工，為整個地方注入活力，實在好有意義。
繼續旅程。整個直島就似係建築師安藤忠雄的的展示台，可惜我只夠時間去地中藝術館、安藤忠雄博物館同參觀家計劃，其餘的要等有機會再來了。熱門展品雖然人多，但大會安排好好，分時段參觀，可以先登記，在指定時間回來，加上人人守禮，整個過程都好舒服。
地中美術館，好多人排隊買票入場
要買票，先領取限時買票的票
走向美術館，花團錦簇
朝聖 !
館內不可攝影，呢個係藝術館附設的餐廳外貌
看海的日子
藝術節其他展品
check point指示牌
朝聖x 2
在本村睇家計劃途中撞入呢間玄米心食 あいすなお 食午餐，最出名的玄米餐已賣完，無選擇下點左未賣完的兩個餐，其中個梅子飯團出奇地美味，可惜時間有限，未能encore，需知日本人慢功出細貨，我唔可以為左個飯團放棄整個家....計劃。唯有忍痛離去。
玄米心食 あいすなお
地址：香川県香川郡直島町761-1
交通：「農協前」巴士站→徒歩2分鐘
家計劃
島上人的門外裝飾
一點新，一點舊，門牌與指示牌，好型！
睇完美術館同家計劃已差不多5點，再驅車去直島另一亮點 ： 草間彌生的兩個南瓜作品。其實我唔多明白點解個作品咁受歡迎，但一塲來到都湊湊熱鬧吧，影完相已天黑。
朝聖x3 黃色南瓜有遺世獨立feel
紅色南瓜可以行入去，小朋友當遊樂場，好熱鬧
仲有兩個南瓜，自己揾
島上有好多住宿，呢間好有趣，只可扎營
街角藝術
今晚選擇住島上pension，享受鄉間的寧靜。由於pension 唔包晚餐，所以出外食，打算餐後到I love 錢湯泡温泉，可惜如意算盤打唔響，食完全程最難食的拉麵後已經唔夠時間泡温泉(關9點)，唯有早早回pension 休息。
整個旅程最難食的拉麵，右面的鯛魚麵食到鯛鯛聲，拉麵似油麵，湯又油又淡，魚極薄，只怪自己唔識欣賞
I love 錢湯
靜夜.....結束愉快的一天
留言列表
香港食食食 (25)
