Foodie 生活雜誌

早餐後出發往九重夢大吊橋，吊橋在深山，揸車要個幾鐘。落車後發覺幾凍，又大風，立即上車加番件衫，出發前睇過天氣預報，明明話旅行呢幾日係六度至十幾度，點知來到吊橋原來得四度！重要好大風，吊橋在山谷中，行到中間食正風，真係唔得佢死！不過作為一條人行的專用吊橋，又確實幾宏偉，吊橋架於深谷上，好有氣勢，最重要係感覺安全，行過對面，再上去展望台，我地幾條友左影右影，都玩左好耐。喺進入吊橋途中，見到有間賣河魚的小店，離開時就決定喺度食午餐，河魚肥美，師傅手勢好，無論燒同炸同樣美味，食完後就早早去温泉旅館check in,因為今日佢至係主角👍🏻

資訊

やまめ料理専門店渓流の味たなべ/

地址 : 大分県玖珠郡九重町大字町田栗原3684 

電話 : 0973-79-3360

九重夢大吊橋位處深山

一來到已遇到令駕駛員心碎的告示牌 : 不淮航拍。不過就算無牌都唔使拍，因為實在太大風

日本第一大吊橋，不過長度已被靜岡的三島大吊橋超越，不過高度仍然係第一。

好長的吊橋，橋上有幾位工作人員不停地來回巡邏，喺進入大橋不久，曾經被工作人員示意折返，初時以為因為大風封橋，仲打算去退款，後來至發覺職員又好似只係要求遊人左上右落，真係唔知邊樣係真

淨係睇到粗大的鋼纜已經感到整條橋建築時工程係幾咁浩大

喺橋上可以遠觀震動之瀑，若你有時間亦可以於吊橋入口旁的小路走去作近觀，不過日本的瀑布向來嬌小無看頭，我就無興趣了

走到橋的對面回望大橋

打算上觀景台上再望，原來要付費100円，我無比。

其實再行前d有個展望台，一樣睇到

既然係自駕，梗係想試點地道的餐廳，回程時返回路邊小店食河魚

都幾有規模，有魚缸養住d魚

小店在河邊，望住河川食河魚

食呢款魚

點左炸魚及燒魚，燒魚皮香肉鮮，炸魚香口，除左主骨，其他都可以食晒，難得魚肉仍保持鮮嫩。

河魚旁的天婦羅亦都一流，蔬菜鮮甜炸漿薄，用友想要一碟淨天婦羅。雖然餐牌上無，但師傅仍肯特別做一碟，好好人

河魚刺身，魚肉彈牙有嚼勁，好鮮

可愛的名片

飯後直去温泉旅館，離遠已經見到職員在門外迎接