3/2019光顧
名人開店有好有唔好，好處係免費宣傳，但相對地對餐廳期望亦會高左，所以要做得更好。賭王千金開的牛肉麵店，開店時排哂長龍，我曾經都見過千金看鋪，落手落腳好認真，不過千金即係千金，外面有司機有車等住，方便隨時上車休息。八卦完畢，講番食物。點左半筋半肉麵同滷蛋，出品不俗，不過重口味的食友會稍嫌清淡。
半筋半肉麵，牛筋好腍又入味，good。牛肉質素唔夠平均，有又腍又入味的，亦有稍為鞋的，但都算唔錯。麵條有咬口，半粗不幼，我喜歡。紅燒湯底帶甜，但唔夠濃厚。另外點左碟麻辣醬，好香，有機會再去會點麻辣湯底。
滷水蛋 同日本的唔同，唔係溏心蛋。台灣的似鐵蛋，蛋較硬身，好入味，幾好食
酸菜 無好大陣醃製的化學味，酸味自然
全站熱搜
留言列表
香港食食食 (25)
