Foodie 生活雜誌

7/2018光顧

唔係朋友介紹都唔知有呢間小店。土瓜灣北帝街有好多不同食店，不過都係街坊食品，無想過有間日本串燒店。小店門面低調，細細間，三十個座位左右。氣氛不俗，食材選料認真，食物出品有水準，廚師用心，串燒燒得有心機，款款都外皮香脆，內裡juicy，味道適中。而且價錢合理，可以放心點菜，侍應友善，小店係同朋友把酒談天的好地方。由於廚師只得一人，上菜速度較慢，不過食串燒就係慢慢傾慢慢食，我覺得問題不大。（有時好矛盾，因為食到好的餐廳會寫得特別多，浪費自己時間😫所以希望大家都比少少時間睇埋相內分享吖😘）

餐廳細細，牆上有個大大三眼仔，好搶眼。設吧枱及幾張四人枱，另有一間小房間，可以坐十人左右。當晚坐滿人，都幾嘈，但我又覺得幾熱鬧

店內裝飾以貓頭鷹為主題，好多貓頭鷹裝飾，造型可愛

可愛的貓頭鷹茶杯

自家製生果酒

可惜梅酒已沽清，侍應推介檸檬酒，我好怕飲檸檬酒，總係有陣洗潔精味，侍應聽到後，先比一小杯我試味，真窩心。果酒味道似甘桔，燒勺味濃，不俗。

前菜 麵豉醬係自家製，香濃美味，配蔬菜食，好味

明太子沙律 明太子雖然係即食嘢，但係選材不俗，脆脆地咸咸地，加沙律醬又幾好味。其實即食食品都有質素高低之分，我欣賞呢度的廚師有要求。

豆腐沙律，用料新鮮，醬汁好味。

雞翼皮脆肉嫩，白鱔肥美

牛舌厚肉juicy，若再切細小小會更好 雞腎香脆

雞皮，燒蠔 睇樣都知好味。幾欣賞燒蠔，外皮燒得好香，內裡收水，火喉剛剛好，食得出的心機

豚肉荔枝卷 豚肉油香撲鼻，包住清甜的荔枝，好好味

雞肉丸  味道香濃，免治雞肉混入雞軟骨，加強口感

牛肋肉 侍應推介，肉質軟腍，醃料有果汁甜味，帶點韓式風味

以芝士年糕及飯團結尾，我地三個人，侍應主勳提出為我地切一半，好細心。飯團外表燒得焦香，脆脆的好味道，芝士年糕柔軟，good

廚房只得師傅一人努力地又串又燒，侍應話師傅要求高，慢工出細貨，其實都估到，小店一間，水果酒自己浸，麵豉醬自家製，睇得出係有要求。睇網上評論有人話上菜太慢，其實食串燒就係慢慢來，點前菜時就要點第一輪串燒，之後一路食一路點，食緊一輪就點下一輪，食住等就唔覺。再者，一般串燒等二十分鐘至上枱係正常。可能喺某些人食唔慣串燒，覺得同街邊燒賣魚旦一樣，放低錢就有，