Foodie 生活雜誌

(餐廳有擺花街，行過會以為係小酒館)

6/2018光顧

餐廳中文名有點娘，好似叫西洋名RaRe好聽d。餐廳係地鋪連地牢，行過會以為係一間小酒館，原來餐廳在樓下，感覺似外國小鎮的小餐館。地牢用餐區雖然面積細，但又唔覺太迫夾，佈置温暖舒適，感覺有如去朋友屋企食飯。餐牌唔算豐富，頭盤主菜pasta甜品每樣有三四款選擇，每三個月轉換一次菜式。當晚食左5個菜，款款稱心，食材好，煮得用心，食得出的心機，價錢合理。係個餐包削左d（無影相)，再要挑剔的就係侍應對餐單唔熟悉，我點左相似的菜都無提我，不過總體嚟講係不俗的。

地面係吧枱位

用餐區在樓下，通過窄長樓梯

餐廳只得6張枱，可以容納座二十多人

餐牌菜式有配酒的建議

蔬菜沙律  沙津上枱時平平無奇，似套餐附帶的沙律，點知食落又幾好味。附近市場買的新鮮蔬菜，蕃茄仔係醃漬，似蜜餞般甜，配上蜜糖芥辣汁，簡單好味

白酒煮清口 嫩滑的藍青口配濃淡適中的白酒汁，食極都唔夠，配埋洋蔥食更鮮甜。

海鮮意大利飯 海鮮係帶子同青口 (又係青口)，飯粒硬度適中，全個飯最出色係個sauce，濃濃的海鮮味，食得到的鮮魚及龍蝦味，加少少cream，更香滑，成個飯好rich

紐西蘭羊扒 嫩滑軟熟，配dry tomato 做成的sauce，不俗。不過墊底的配菜熟得滯，太腍

蟹肉濶麵 純粹貪心，其實諗住食埋甜品就剛剛好，但又想試埋pasta。蟹肉生拆，唔係罐頭貨，份量足，可惜個sauce 太濃太甜，蓋過哂蟹肉味。sauce跟意大利飯的差不多，都係海鮮湯底，甜味係來自加入蔬菜熬的湯。

芒果千層酥 自家製，皮酥化，吉士香滑，不太甜，芒果香甜，不俗