一早出發，先往華巖瀑布，途經著名的日本車道百選之一的日光いろは坂 (日本特別多呢類排名，其實唔使咁認真），比車手過下癮。車道分第一和第二いろは坂兩段，一進一出。原本第一站係日光明智平展望台，坐纜車上展望台可以一覽華巖瀑布全景。瀑布好特別，係中禪寺湖底因爲壓力而破出一個缺口，水從缺口向下流，形成瀑布，所以一定要往展望台睇全景至有意思，可惜當日居然遇到纜車維修！殘念！！唯有直接開車往華巖瀑布，但已經唔係嗰回事，若無左個湖，只看瀑布，就係一條普通的瀑布。之後再往東照宮，由於團友們興趣不大，想去宇都宮shopping，所以東照宮無入、神橋都無去，只匆匆在東照宮外圍逛一下就離開。之後往宇都宮行街晚飯。翌日去完outlet 就坐飛機回香港，九天旅程結束。
先經過日光いろは坂往明智平展望台
呢段路係賞楓名點，如果楓葉季節來到，一定大塞車
車道分第一和第二いろは坂兩段，喺纜車站會望到另一段
今次旅行真係季節不對，纜車維修中，整個華巖瀑布全景睇唔到，無意思
唯有直接去瀑布，坐𨋢去底層近距離欣賞
水量不夠，毫無澎湃感
之後往東照宮，頂級遊客區，有上島咖啡店呢
匆匆在外面行一圈就離開
日本人都興攝太歲？
午餐喺宇都宮火車站食豬扒飯，選個香港無的梅肉卷，總之係期間限定就感覺良好
整個下午都係逛街，都係火車站附近的百貨公司，商店街，一式一樣，唔多吸引。不過穿過商店街對面有條小街，走型格路線，有好幾間select shop，可愛食店，啱我口味。
晚餐喺附近橫町食串燒，團友話好食過之前去，電視介紹的。始終相信一分錢一分貨，橫町串燒唔貴，係電視介紹的串燒太便宜啫，始終人地都要生活，收咁平又可以比到咩食材你？食得開心就好了。
全站熱搜
留言列表
香港食食食 (25)
