Foodie 生活雜誌

近年去日本，每個旅程都盡量安排一頓西餐。因為日本有良好的食材，加上日本廚師的心思及細緻度，創作出來的菜色每每為我帶來驚喜。為怕晚餐太拘謹及太貴，主攻午餐。今次選擇位於中之島的意大利餐廳，之前從未來過中之島，感覺似中環的金融中心地段。餐廳在商厦地鋪，門面簡單古典，內裡一室明亮，氣氛高貴中帶點casual，作為粗人的我都覺得自在。午餐7000yen 一個set，主菜有鴨,牛同羊選擇，不過同一枱的客人只能點同款主菜，解釋話因爲廚師要控制出菜速度。餐具精緻，菜色味道複雜但美味，配搭有新意，一個不俗的用餐經驗。

(餐牌時常轉換，下次應該無機會食到今次的菜色，我亦唔多寫，餐廳好有心思，喺用餐後送我一張彩圖，入面有齊是日菜色同配搭，有興趣的可以睇下)

Quintocanto 

地址：中之島3-6-32 ダイビル本館1F, 大阪市北区

電話：06-6479-1811

玄關，花藝擺設麻麻

室內以白色為主，配上雲石，簡單高雅

餐牌用黑玫瑰擺設託住

木板係餐桌裝飾，人人不同花款

先來一杯果汁酒

墨色汁做的puff 入面係檸檬醬同鵝肝，新鮮的配搭，攞出來時好大陣象，其實得個puff 食得

砌圖碟

濃湯用Ice blue 大碗盛載，可能個盤夠靚，居然無大而無當的感覺

鰻魚兩食

選一隻碟放麵包，幾個小時的一餐飯，要揾d小玩意做下，隻隻都咁靚，好難揀

嘻嘻，我揀的一隻又剛好幾襯下一個菜式。其實每個菜式都好多食材，每樣少少，好似玩估食材遊戲咁，但夾埋又幾好食。

大銅碟似文物館攞出來的古董，有厚重感，配野豬肉肉類好啱feel 

燉羊肉配蔬菜 羊肉燉完都好嫩

簡單的茄醬意粉 以為簡單，其實個醬好濃好滑，非常掛麵，滿滿的茄味充滿口腔，好好食。

甜品都係好多嘢

美美的咖啡杯及杯墊，視覺的享受

是日菜單