(門面真係好有國內feel)
10/2017光顧
門口好有霸氣地掛個牌寫住「天下第一餃」，信心滿瀉，裝修亦有國產feel，整潔工整，一d都唔似餃子店。餐牌有多款餃子選擇，揀放湯同煎餃都得，最出名的松露餃我就無試，平平實實食d平民嘢就算。湯底用粉葛湯，清淡無油，湯餃皮薄饀靚，煎餃唔會油淋淋，走在成豬之路的我，一條友食左碗湯餃再加碟煎餃，真係立即變豬亦得，得左!
睇醬料陣容已覺認真，除左醋同醬油，仲有青瓜、麻辣、芝麻同香辣四款醬，我樣樣試下，幾有新意。
湯底係狀元九鼎湯，即係粉葛湯，味道清淡，無油唔口渴，感覺健康
粟米餃同雲耳椰菜餃 睇相都見到皮薄，饀料豐富，切得夠碎又有肉汁
食完湯餃唔夠飽，見到有煎芝士餃，受芝士召喚，忍唔住又點，芝士半溶，好惹味，基本上係一個「漏」字，食完滿足哂，仲有d滯。
好耐無見過醃沙葛，以前好鐘意喺永華麵家食
全站熱搜
留言列表
香港食食食 (25)
