Foodie 生活雜誌

9/2017光顧

最喜歡幫襯呢類有誠意的餐廳。小店一間，開放式廚房，內裡一眼見哂，酒吧式餐廳，提供小食及main course，湯及甜品欠奉。踏入小店已聞到一陣濃濃的蝦湯味撲鼻而來，原來廚房正熬住一煲蝦汁，即時對今晚的食物充滿期待。餐廳無餐牌，菜色都寫在牆上黑板，看似平凡原來碟碟有心思，色香味俱全的一餐，不過有少少缺點 : 店面小，座位較迫夾，開放式廚房油煙重，上菜慢，店主話將會於附近開間千呎分店，希望新環境能夠改善以上問題，但又有點担心食客多左店方是否能夠維持水準？

點左兩杯白酒，$52杯，抵飲

小朋友飲蘋果汁

炸芋片配牛油果醬 芋片薄切即炸，灑上海鹽，好香口，牛油果醬應該係超市貨，普通。

白酒煮蜆 蜆肉香滑，加入煙肉及意大利米炒香，口感更上一層樓，汁都撈埋，讚

Lobster Mac & cheese 小朋友菜式upgrade 版。濃濃的蝦汁混合龍蝦肉及芝士焗，想唔好食都難

M7和牛西冷 唔知幾多成熟，反正而家習慣比廚師揸主意，佢覺得塊牛點發揮係最好就得。通常結果好過夾硬要煮到5或7成。睇相都見外香內嫩，牛味都叫濃，不過對於我，主角係個薯蓉，香滑到不得了，好美味。小朋友更食到津津有味

呢個温泉蛋磨菇加raclette  cheese 我原本好想食，可惜太飽食唔落，呢張影隔離枱的，飲恨

熬製中的蝦汁，真係睇得又食得

地方細細