Foodie 生活雜誌

(獨立房間，坐得舒服，走來走去都唔怕失禮。)

5/2017光顧

之前試過散點、得獎名菜套餐、大閘蟹餐，全部都好滿意。今次試火鍋。被安排坐房，上等火鍋格局，枱大人少，開三個鍋，不同湯底，結果幾個人走來走去，似食buffet，上等格局被我等草根完全破壞。材料非常新鮮，全屬精品，餃子好好味，服務好，坐得舒服。侍應好體貼地將每碟火鍋料分小碟放在各人面前，等大家唔使夾得辛苦。若要招呼朋友食排場，呢度啱哂，若你同我一樣都係草根，記住要三思而後行。

醬料一碗碗整齊放在你面前，自己溝，唔係九宮格

共有四款湯底，唔記得名，總之係幾舊水一個，印象中朋友話麻辣正。

火鍋料同好多其他高級火鍋店的選擇都差不多，不過特別欣賞佢的餃子同雲吞，漲卜卜，皮薄餡靚，材料豐富又好味

枱太大，侍應細心的為我地分開小碟放在各人面前，但小家的我補妝回來以為係咁細碟，眼都突埋，心都離一離。其實原本全部食材都係一大碟，我又唔好意思爭住影，無謂失禮主人家，結果碟碟影到好似剩食咁。可惜結果我地都係四圍走，浪費左侍應的一番美意。

杏仁茶，我的甜品首選