Foodie 生活雜誌

(旅館面積不大，佔一個小小山頭，門口小而低調)

今日入住的仙壽庵係我心儀已久的温泉旅館，除左因爲網上好評滿瀉，還有被旅館的一列落地弧形玻璃走廊吸引，感覺似入住美術館。旅館下午一點就可以check-in， 當然唔蝕底，一夠鐘就入住。旅館氣氛憇靜，感覺舒適，全館只有十七間房，客人都靜靜的。整間旅館就似藝術館，裝飾低調雅緻，一牆一門都手工細緻，背後原來大有來頭，房內的文案有介紹。我從下午一點至翌日十點都留在旅館，四處逛，細細欣賞，浸温泉，坐在落地玻璃前賞雪，享受著貼心的服務，在旅館內渡過了美好的時光。

kumomo都被雪掩埋了

一進門，長長的金屬tatami係亮點，我都係睇左介紹至知

拖鞋分開大中細碼，就係喜歡呢種貼心服務

整個空間都好舒適，靜靜的，感覺就似時間停頓了

check in 時填表，居然連筆都有得揀

等侯期間來點小食及飲品，我選左咖啡同一個唔知咩餅

你可以坐在大廳舒適的梳化賞雪

今日好大雪，平日的庭園積雪有兩米高！門口都被雪封了，我打趣問女侍可唔可以出去，佢居然答可以！我問點出，佢好認真地叫我爬過d雪，笑死我。

美麗的長廊日與夜

四周好多精緻裝飾，我只影左一小部份

再去閱讀室坐坐，閱讀室位於主樓外的小屋，貼心的旅館已準備定厚外套予住客蓋上保暖，亦提醒附近晚間會有野豬出沒呢

行幾分鐘就到。因為落雪，四周都白茫茫一片，但睇相夏天一片翠綠都好靚㗎，日本四季分明，真係不同季節有不同風光，難怪百去不厭。

 閱讀室在小山坡上，內有暖暖的火爐，書架上放住圖書，我地當然唔識睇，不過可以在pantry自己沖壺茶，幾個人在火爐前傾下偈，享受寧靜時光。

你可以留下筆記

室外有足湯，冬季因為積雪關閉，想像夏天可以座在屋外，邊享受足湯邊欣賞美景，又係另一番滋味。