2016九州一圈遊遊記篇 Day 8 (Part I) 鹿兒島-宮崎 @ Foodie 生活雜誌

(觀景台上的景色)

今日由鹿兒島移動到宮崎，途中只有兩個景點 : 鬼之洗濯板同日南水產。因為係臨時決定去，所以無特別揾資料，原來正確的位置係在青島神社附近，但我對神社興趣不大，何況鬼之洗濯板其實係沿海的一大片波浪型岩石，經海浪長年累月的推湧擠壓及侵蝕，型成一層叠一層如同洗衣板紋理的岩石，對我來講睇到就得，所以我去的一部份係在道の駅フェニックス「波状岩と美しい海」對面。從樓梯下山走到海邊，在層層叠的岩石上走出海，一路行一路怕潮漲，來來回回走幾轉，影下相，見識過個地貌，又爬番條長樓梯上去，烈日當空，行完就算你毛孔塞左都變得識出汗。上到去拿拿林去對面道之駅補給冷氣，團友們當然又自動開購物mode。買完一輪就出發去日南水產食午餐。呢度有段小插曲，話說團友唔小心遺留左個錢包在道之駅，去到日南水產至發現（來回約半小時），立即回去揾，點知一去到收銀處稍加形容就可以攞番個銀包，去日本就係會放心d。唔係話日本無賊，但路不拾遺的比例同其他地方比真係高好多。

道之駅

泊好車過對面馬路

另一面，可以行落去

gogogo

岩石層，又名鬼之洗濯板

一望無際的大海

特別的地貌

睇完行番上去，仲要孭住少爺仔

嘆雪糕補充冷份子

貴價芒果，用網包住第樹上熟時唔會跌爛。好貴的宮崎芒！

午餐在海邊的日南水產食燒海鮮，海鮮在魚池養住，即撈即食，都係新鮮的，不過食物質素唔屬於平靚正，想食龍蝦，但已被之前來的兩大枱香港客食哂了。地方係幾特別，臨海小屋內放上兩行魚池，池的旁邊係枱，對住個大海燒海鮮，感覺天然。除左海鮮仲有熟食如宮崎雞，不過我地無點，天氣好熱，感受下海邊燒烤的風味，試過食過就算。

餐廳在海邊