Foodie 生活雜誌

7/2016 光顧

朋友見我上次post 張相嘆茶，又話想試，唯有短時間內再來，對我來講好少有。今次點左早餐加個二人brunch，價錢當然唔係抵食，不過可以由10點坐到3點，而且食物唔錯，果汁main course甜品靚茶慢慢上，咪當老人家嘆早茶囉，不過今次就西d 呢間餐廳我最欣賞係每一道菜的sauce，幾特別。

早餐點scramble egg 收得$188，唔通真係比個炒蛋我咩，係就噴血啦。時興黑松露炒蛋另加大蝦同煙三文魚，再配個牛油toast，蛋香、三文魚肥美、蝦肉彈牙，升級版茶記早餐。

Brunch starter  慢煮蛋配香菇加燕麥片  蛋香菇香燕麥片有咬口，幾有趣，不過唔適宜些牙食，因為撈勻後似嘔吐物，自己食唔覺，對方就幾難受(旁觀對家反應後結論）

main course : 和牛面豬配白甘筍risotto   真係要查字典至知自己食左咩。第一次食白甘筍(parsnip)，撈埋risotto 一齊煮，咬落爽口清新，令個risotto 無咁膩，和牛面豬柔軟juicy，平日我好怕食紅酒汁，但呢個紅酒汁話混左普洱，食落無左陣澀味，唔知關唔關個普洱事？ 整體係好味的

main course :  海鮮碟、炸薯球配泰式醬汁  上碟見到個造型有點失望，似酒樓食的海鮮棧。好彩食落所有用料全部新鮮好味，個泰汁酸酸甜甜好開胃，個炸薯波波都好香口。

因為點左三個餐，甜品用高茶架上。呢度的甜品最好係唔太甜，啱我（甜品唔要甜，矛盾人）榛子朱古力蛋糕cream 滑香濃，拿破崙皮鬆軟、scone個tea jelly又好味。

甜品同茶一齊上，消消膩。我點左朱古力伯爵菜，茶味帶點點朱古力香，好有趣