Foodie 生活雜誌

差不多一點到達廣島，攞車後直駛至宮島碼頭，在碼頭前泊車後再坐船往宮島。船程十分鐘，班次頻密，我地差不多四點至到達宮島，趕得切睇退潮及日落，但就無時間行商店街同嚴島神社了。可能心境轉變(年紀大的美化句)，從前呢類旅遊點我係全無興趣，或者影兩張相就走，現在居然會慢慢睇，甚至連商店街都不去，坐下靜靜地看日落。宮島的海中大鳥居襯著晚霞，好靚。 由於心境還未完全轉變，所以未等太陽消失就趕著去商店街食燒蠔，呢度的廣島蠔即開即燒，蠔身豐滿味道鮮甜，連一向唔多食蠔的友人都忍唔住encore 。

 遊完宮島後返回廣島市中心吃晚飯，因為已經八點，大部份店鋪已關，路過見到間串燒店幾企理，加上遇到的小姐話好食，結果要一個鐘都等，其間食碗拉麵頂肚，餐後滿足地回酒店休息。今晚的酒店有驚喜，物超所值，完滿的一天。 (酒店另文分享)

 晚餐 : 

炭焼 一代め  / 地址 : 中区本通3-17 / 電話 : 082-247-3489 

Bari Uma拉麵

酒店 : ビジネスホテル　セジュールフジタ

4人行，選擇租Toyota的Sienta ，2008年已租過，貪佢夠鬆動。

放行李位夠大，我今次放1個29吋喼加2個26吋再加一個大背包之後仲大把位剩，沿途可以放心買買買。

（此相片取自網站「旅遊教室）

坐渡輪至宮島

船艙整潔

班次頻密，十分鐘船程

船上遠遠已望見海上的大鳥居

島上全圖

島上有好多小鹿四圍行，有點似奈良，但奈良多好多

好彩睇到水退同日落，但嚴島神社已關門了

最後的垂枝櫻

島上燒蠔，團友激讚

晚餐求其入左一間Bari Uma，原來香港都有，味道唔錯，叉燒夠厚。但香港店評語麻麻

串燒店。因為太夜，好多食物都賣完，但整體水準不錯，回來上網見評分都唔差。