Foodie 生活雜誌

(壽司有九款, 其中5款)

3/2016光顧

之前試過午餐，覺得普通，但唔知點解對此餐廳有好感，所以試多次，今次試晚餐。廚師發辦，師傅Andy風趣鬼馬，出手毫不吝嗇，整個餐款式多份量足 (直頭飽到上喉嚨) ，師傅處理食材有心思，但食材用料並非上成。餐廳職員友善，整晚用餐氣氛愉快，個人認為整體份量可以減少，提升用料質素應該會更好。一間有誠意的餐廳，各人口味不同，或者可以先試午餐。午餐定食價錢合理，不妨一試。

梅酒 師傅話係酒廠獨家為佢浸，味道可以，但梅味不足，師傅解釋係唔想梅味太出，影響壽司味道

前菜平凡，味淡

刺身有9款，除左款熟成中拖羅較有印像，其他都係一般，唔夠鮮甜。

小食有數款，蝦刺身手卷，燒白子，𩶘魚濃湯，魷魚，海鮮雖然口感不同，但味道都偏淡

壽司有九款 壽司飯好味，但又係同一問題，件件味道差不多，例如海膽，用俄羅斯海膽，份量好多，一啖都食唔哂，口感豐富食落好澎湃，不過唔夠鮮甜。真係各有所好，我自己就想要鮮甜多d。

兩款熟食 燒吞拿魚鮫肥美，九州青口配個麵豉忌廉汁，味道普通

最後有生果甜品，普普通通。餐廳唔係走高檔路線，擺碟食材都普通。但勝在氣氛casual，若你想試不同食材，不同食法，可以一試呀。